Majlinda Aliu është gazetare e shperblyer me çmime në gazetari, me më shumë se 18 vite përvojë pune në Radio Televizionin e Kosovës (RTK). Përvoja e saj e gjatë në gazetari, ka avansuar aftësitë e saj në raportime live, intervista, gazetari hulumtuese, shkrim lajmesh dhe fotografi. Ajo mban titull master në gazetari financiare nga City University of London dhe është kandidate për doktoraturë në departamentin e komunikimit në Universitetin e Vjenës. Majlinda ka përvojë të gjerë në përgatitje të raporteve në anglisht dhe shqip dhe ka aftësi të dëshmuar në menaxhim të projekteve të financuara nga BE-ja dhe organizatat ndërkombëtare, përfshirë Korporatën Ndërkombëtare të Financave (IFC). Roli i saj i fundit si specialist i komunikimit si dhe në monitorim dhe vlerësim me IFC ka përforcuar aftësitë e saj menaxheriale.

Gizem Gülen Tuaç ka mbi dy dekada përvojë në sferën mediatike në Turqi. Ajo është artiste e dalluar e dublimit të zërit, prezantuese lajmesh dhe producente multimediale, me karrierë të begatë në radio, televizion dhe platforma digjitale. Ngritjen e saj profesional e nisi në TRT (transmetuesi publik i Turqisë), më pas vazhdoi me role kyçe në Karnaval Media Group dhe Power FM, ku u specializua në transmetime të drejtpërdrejta, drejtim dublimi dhe produksion kreativ. Ajo mban titull master në Gjuhën dhe Letërsinë Turke, që i mundëson Gizemit të ndërthur njohuritë e thella gjuhësore me ndjeshmërinë artistike, duke krijuar projekte që prekin audienca të ndryshme dhe formate të shumëllojshme. Ekspertiza e saj përfshin prodhimin e podkasteve, koordinimin e transmetimeve dhe ndërtimin e narrativave që tërheqin, duke e bërë atë një prezantuese dinamike në mediat kombëtare dhe rajonale.

Leonora Aliu është gazetare, specialiste komunikimi dhe hulumtuese me mbi 15 vite përvojë në mediat e njohura dhe në organizata të shoqërisë civile në Kosovë. Karriera e saj ndërthur gazetarinë, komunikimin publik dhe avokimin, duke sjellë ekspertizë në prodhimin e përmbajtjeve, strategjitë e fushatave dhe tregimin multimedial. Ajo ka bashkëpunuar me institucione si UNICEF, USAID, GIZ dhe BIRN, duke udhëhequr nisma me ndikim që forcojnë dialogun publik dhe pjesëmarrjen qytetare. Puna e saj pasqyron përkushtimin ndaj raportimit etik, komunikimit strategjik dhe fuqisë transformuese të medias në ngritjen e vetëdijes publike. Aktualisht, ajo po ndjek studimet master në Programin e Përbashkët ARQUS për Studime Evropiane, një program ndërdisiplinor që ofrohet në bashkëpunim nga Universiteti i Grazit (Austri), Universiteti i Granadës (Spanjë), Universiteti i Leipzigut (Gjermani) dhe Universiteti i Vilniusit (Lituani).