Çdo vit, Austria publikon një listë zyrtare të profesioneve për të cilat punëdhënësit nuk mund të gjejnë mjaftueshëm punëtorë të kualifikuar në vend. Kjo krijon mundësi reale për profesionistët e kualifikuar, veçanërisht për shtetasit e vendeve jo anëtare të BE-së, për të jetuar dhe punuar në Austri.

Këto janë 10 profesionet më të kërkuara në Austri:

1. Inxhinierë të makinerive bujqësore (gjermanisht: LandmaschinenbauerInnen)

Inxhinierët e makinerive bujqësore janë në kërkesë sepse sektori bujqësor në Austri është shumë i mekanizuar. Bujqësia moderne varet nga makineri të specializuara dhe nuk ka mjaftueshëm inxhinierë të kualifikuar për t’i projektuar, mirëmbajtur dhe përmirësuar ato.

Punët e dyta më të kërkuara janë pozicionet e stafit mjekësor. Sipas një raporti të OECD-së, popullsia e Austrisë është duke u plakur me shpejtësi. Përqindja e njerëzve mbi 65 vjeç u rrit nga 15% në vitin 2000 në 20% në vitin 2023 dhe pritet të arrijë 28% deri në vitin 2050, gjë që rrit ndjeshëm kërkesën për shërbime shëndetësore dhe infermierie.

2. Infermierë të diplomuar (gjermanisht: Dipl.-Gesundheits- und KrankenpflegerInnen)

Infermierët e diplomuar, përfshirë infermierët e përgjithshëm, psikiatrikë, pediatrikë, infermierët e kirurgjisë dhe menaxherët e infermierisë, janë shumë të nevojshëm. Popullsia e Austrisë është duke u plakur me shpejtësi, duke rritur kërkesën për shërbime shëndetësore. Sipas një raporti të Pulitzer Centre, vendi pritet të ketë nevojë për rreth 200,000 punonjës shtesë në infermieri dhe kujdes deri në vitin 2050. 

3. Mjekë (gjermanisht: Physicians – Ärzte/Ärztinnen)

Mjekët në pothuajse të gjitha specializimet janë në mungesë, përfshirë mjekët e përgjithshëm dhe specialistët. Kërkesa është në rritje për shkak të plakjes së popullsisë dhe daljes në pension të mjekëve. Në të njëjtën kohë, Austria nuk është duke trajtuar mjaftueshëm mjekë të rinj për të zëvendësuar plotësisht ata që dalin në pension, sipas një raporti të Gjykatës Austriake të Auditimit (Rechnungshof Österreich).

4. Inxhinierë elektrikë (TechnikerInnen für Starkstromtechnik)

Inxhinierët elektrikë, përfshirë teknikët e instalimeve, inxhinierët e sistemeve energjetike, planifikuesit e energjisë së rinovueshme dhe të diplomuarit në elektroteknikë, janë thelbësorë për tranzicionin energjetik të Austrisë. Ndërsa vendi zgjeron energjinë e rinovueshme, modernizon rrjetin elektrik dhe elektrifikon infrastrukturën, kërkesa për inxhinierë të kualifikuar vazhdon të rritet.

5. Teknikë të energjisë elektrike (gjermanisht: TechnikerInnen für Starkstromtechnik)

Këta profesionistë ndihmojnë në projektimin, instalimin dhe mirëmbajtjen e sistemeve elektrike. Ata janë kritikë për projektet e energjisë së rinovueshme dhe infrastrukturën moderne, dhe Austria ka nevojë për më shumë prej tyre për të arritur objektivat e saj klimatike dhe energjetike.

6. Inxhinierë të diplomuar të energjisë elektrike (gjermanisht: DiplomingenieurInnen für Starkstromtechnik)

Inxhinierët e trajnuar në universitete luajnë rol kyç në planifikimin dhe menaxhimin e rrjeteve elektrike, sistemeve të energjisë së rinovueshme dhe infrastrukturës industriale. Kërkesa është në rritje, derisa Austria investon në energji të pastër dhe elektrifikim.

7. Drejtues trenash (gjermanisht: TriebfahrzeugführerInnen)

Drejtuesit e trenave janë shumë të kërkuar gjerërsa Austria zgjeron rrjetin hekurudhor. Transporti hekurudhor është pjesë qendrore e strategjisë klimatike të vendit, por shumë drejtues janë duke u pensionuar dhe trajnimi i të rinjve kërkon kohë.

8. Kontabilistë të kostos (Kalkulanten/Kostenrechner)

Kontabilistët e kostos ndihmojnë kompanitë të planifikojnë buxhetet dhe të llogarisin kostot e projekteve, veçanërisht në ndërtim dhe inxhinieri. Kërkesa është në rritje për shkak të zhvillimit të infrastrukturës dhe projekteve industriale komplekse.

9. Çatipunues (gjermanisht: DachdeckerInnen)

Çatipunuesit nevojiten për ndërtimin e banesave, riparime dhe përmirësime energjetike, përfshirë izolimin dhe instalimin e paneleve diellore. Kërkesa është në rritje, ndërsa Austria modernizon ndërtesat.

10. Mekanikë të automjeteve (gjermanisht: KraftfahrzeugmechanikerInnen)

Mekanikët e automjeteve janë thelbësorë për mirëmbajtjen e automjeteve në Austri. Kërkesa është në rritje për shkak të numrit të madh të automjeteve, sektorit të logjistikës dhe kompleksitetit të automjeteve moderne dhe elektrike. 

Këto janë vetëm 10 nga 64 profesionet në mungesë të njohura zyrtarisht nga Austria. Nëse profesioni juaj është në listë, shanset për të gjetur punë dhe për të marrë një vizë pune, si Rot-Weiss-Rot  Card, janë shumë më të larta.

Lista e plotë mund të gjendet në faqen zyrtare: www.migration.gv.at